Фото 24.kg. Кыргызстандын көк бөрү боюнча курама командасы Көчмөндөр оюндарына даярданууда

2024-жылы Астана Көкпар боюнча Кыргызстан курама командасына ызы-чуулуу күмүш медаль жана аягына чыкпаган талаш-тартышты калтырган эле. Эки жылдан кийин кыргызстандык спортчулар Казакстан менен кайрадан өз жеринде кездешет. Өз үйүндөгү колдоо күч-кубат бергени менен ката кетирүү ыктымалын жогорулатышы мүмкүн: Дүйнөлүк көчмөндөр оюндарында курама команда ошол жеңилүү өткөн чакта калганын далилдеши керек.

Көк бөрү федерациясында Астанадагы жыйынтык азыркы оюндардын алдында кошумча мотивация болуп жатканын моюнга алышат.

«Атаандаштарга, өзгөчө фаворит командаларга өзгөчө көңүл буруп жатабыз. Ошондой командалардын бири — Казакстан курамасы. Эң мыкты күчтөрүбүздү дал ушул дисциплинага багыттадык. Көк бөрүдө натыйжаны кайталай алабыз деп үмүттөнөбүз. Ал эми көкпарда калыстык болсо, жеңишке жетишебиз. Балдарыбыз байге үчүн гана ойнобогонун белгилеп кетүү керек. Төрөсүндө өлкөнүн намысы турат. Мен алардын ар бирине ишенем»

, — дейт Көк бөрү федерациясынын вице-президенти Эрлан Абдыкапаров.

Фото 24.kg. КР көк бөрү федерациясынын вице-президенти Эрлан Абдыкапаров

Федерациянын басма сөз кызматы билдиргендей, калысты эл аралык ассоциация тандайт. Алардын айтымында, бул жолу кайсы бир командага карата бир тараптуулук болбоого тийиш. Манас Ниязов үчүн Астанадагы жеңилүү да али алыскы тарыхта кала элек.

2024-жылдагы утулуу жүрөгүбүздө калды. Азыр оюндар өзүбүздө өтүп жатат, ошондуктан биз уттургубуз келбейт. Элдин ишенимин актоону каалайбыз. Манас Ниязов

2024-жылдагы утулуу жүрөгүбүздө калды. Азыр оюндар өзүбүздө өтүп жатат, ошондуктан биз уттургубуз келбейт. Элдин ишенимин актоону каалайбыз.

Алтынчы Бүткүл дүйнөлүк көчмөндөр оюндарында көк бөрү боюнча алтын үчүн сегиз өлкөнүн курама командасы, көкпар боюнча алты өлкө ат салышат. Турнирде Кыргызстандын атынан ар бир дисциплинада 12ден болуп, жалпы 24 спортчу катышат.

Курама команданын курамына негизинен Жогорку лиганын оюндарында, облустук жана республикандык турнирлерде өзүн көрсөтө алган тажрыйбалуу оюнчулар кирди. Алар менен кошо оюндарга жаш спортчулар да аттанышат, аларга бул турнир биринчи ири эл аралык старт болот.

Команда биринчи окуу-машыгуу жыйынын 5-июлда баштаган. Учурда курама Чолпон-Атада даярдыктын экинчи этабын жыйынтыктап жатат.

Команданын режими тыгыз. Машыгуулар күнүнө бир нече жолу өткөрүлөт. Эртең менен спортчулар аттар менен иштешет, түштөн кийин өздөрүнүн физикалык даярдыгы менен алектенишет. Мелдештердин башталышына карата оюнчуларды да, аттарды да оптималдуу формага алып келүү үчүн интенсивдүү жүктөмдөр калыбына келтирүү процесси менен алмашып турат.

Бирок даярдыктын негизги өзгөчөлүгү — спортчулар аттардан бөлөк эмес, алар менен бирге машыгышат. Саяпкерлер жаныбарлардын абалына көз салып, рационын оңдоп, жүктөмдү жана эс алууну көзөмөлгө алышат.

Курама команда үчүн жөн гана 12 мыкты атты оюндарга алып келүү жетишсиз. 12 жумушчу жупту түзүү зарыл. Ал эми бул байланыш оюнчу менен аттын ортосунда иш жүзүндө клеткалык деңгээлдеги түшүнүшүү болгондо гана иштейт. Ар бир мындай жуптун өз тарыхы бар.

Ниязов жана Фажр: таанышуу жаңы гана башталууда

Кыргызстандын эң популярдуу улакчыларынын бири — оштук «Достук» командасынын чабуулчусу Манас Ниязов үчүн Көчмөндөр оюндары кезектеги ири эл аралык турнир болот.

Азыр анын өнөктөшү — Фажр каймана аты бар беш жашар ат. Алар биринчи машыгууларын жакында эле өткөрүшүп, дагы эле бири-бирине көнүшүп жатышат.

Спортчуга ат менен байланышты кайрадан курууга туура келүүдө: анын мүнөзүн, реакциясын, ылдамдыгын жана күрөштөгү жүрүм-турумун түшүнүү керек. Бирок бул ал үчүн көйгөй эмес.

Фото 24.kg. Манас Ниязов, КР кок бөрү боюнча улуттук курама командасынын оюнчусу, «Достук» командасы

Ниязов көк бөрүгө таблодогу эсеп үчүн гана күрөш катары карабайт. Ал жаңыдан ойной баштаганда, улуулар ага көрүүчүлөргө кызыктуу боло тургандай ойноону сунушташкан. Бул багытты ал ушул күнгө чейин сактап келет.

Мелдештер башталар замат дээрлик бардык даярдык аягына чыгат: оюнчулар тандалып, аттар иррелип, оюн байланыштары иштелип чыгып, оор машыгуу жыйындарынын жумалыктары артта калат.

Андан ары өч алуу тууралуу кептер эмес, талаадагы бир нече мүнөт гана кезектеги Көчмөндөр оюндарынын жеңүүчүсү ким болорун чечет.