«Шаардык сот даттануу боюнча чечим чыгаргандан кийин, сот Бишкектин Биринчи Май райондук сотунда уланат. Камчыбек Ташиев соттук отурумдарга катышат», — деп кошумчалады Икрамидин Айткулов.

Эске салсак, Камчыбек Ташиев бийликти күч менен басып алууга даярдык көрүүгө жана кызмат абалынан кыянаттык менен пайдаланууга айыпталууда.

Жактоочу кылмыш иши маңызы боюнча каралуу үчүн Бишкектин Биринчи Май райондук сотуна өткөрүлүп берилгенин билдирди. УКМКнын мурдагы башчысы менен бирге бул иш боюнча дагы жети айыпталуучу өтүп жатат.

Юристтин айтымында, кылмыш ишине купуялуулук грифи коюлган, демек, отурумдар жабык тартипте өтөт. Ал эми тергөө жана соттун маалыматтарын ачыкка чыгарууга тыюу салынат.