Ага ылайык, Бишкек шаарында 21 миң бала мектепке кабыл алынды. Алардын ичинен 10,9 миң орун кыргыз тилинде окуткан класстарга, 10,1 миңден ашыгы орус тилиндеги класстарга туура келет. Борбор калаада дагы 5,4 миңге жакын бош орун бар.

Республика боюнча 2026/2027-окуу жылына каралган квотанын жалпы саны — 192,3 миңди түзөт. Учурда 87 миң орун бош турат.

Биринчи класска электрондук каттоо 1-апрелде башталган. Биринчи этап кичи райондор боюнча жүргүзүлсө, учурда катталган дарегине карабастан, бош орундары калган мектептерге катталууга мүмкүнчүлүк бар.

Биринчи класска 2019чу жана 2020-жылдары туулган балдар кабыл алынууда.