Катышуучулар «Аю Grand» соода борборунун жанынан старт алып, кайра ошол жерден финишке келишет. Иш-чара саат 19:30дан 23:00гө чейин созулат.

Жарыш Шабдан баатыр проспектисинин түштүк тарабы менен Лермонтов көчөсүнөн Мухтар Ауэзов көчөсүнө чейин, ошондой эле Чокан Валиханов көчөсү аркылуу Анкара көчөсүнөн Шабдан баатыр проспектисине чейин эки багытта өтөт.

Спорттук иш-чарага байланыштуу 13-июнда саат 20:30дан 23:00гө чейин жогоруда айтылган аймактарда жол кыймылы убактылуу чектелет.

Белгиленгендей, түнкү чуркоонун уюштуруучулары болуп «Nomad Sport» коомдук бирикмеси жана Бишкек мэриясынын Дене тарбия жана спорт, туризм жана жаштар менен иштөө департаменти саналат.