«Интер Майаминин» жана Аргентина курама командасынын чабуулчусу Лионель Месси 2026-жылдагы дүйнө чемпионатынын биринчи турунун алкагында Алжир менен болгон беттеште хет-трик жасады. Бул аракети менен футбол боюнча дүйнө чемпионаттарынын тарыхындагы эң мыкты бомбардир болду.

Фото Архивден алынды. Дүйнө чемпионаты −2026: Лионель Месси эң мыкты бомбардир болду

38 жаштагы форвард биринчи таймда Родриго де Полдун пасынан кийин таамай соккусу менен айырмаланса, экинчи таймда алгач Алексис Макаллистердин соккусунан кийин кайра кайткан топту киргизди. Ал эми андан кийин Николас Гонсалестин ассисттигинен соң сол буту менен таамай сокку узатты.

Бул голдордун аркасында Лионель Месси дүйнө чемпионаттарынын тарыхында киргизилген топтордун жалпы саны боюнча германиялык форвард Мирослав Клозе менен теңелди. Учурда эки чабуулчунун тең эсебинде 16дан гол бар.

Мирослав Клозе профессионалдык карьерасын жыйынтыктаган жана өзүнүн жыйынтыгын арттыра албайт, ал эми Месси быйылкы дүйнө чемпионатынын тайпалык баскычындагы калган оюндарында өз көрсөткүчүн жакшырта алат.

Аргентина менен Алжирдин ортосундагы оюн Канзас-Ситиде өттү. Аргентина Алжирди 2:0 эсебинде талкалады.

Эске салсак, 2026-жылдагы дүйнө чемпионаты 11-июндан 19-июлга чейин АКШ, Канада жана Мексикада өтүп жатат. Старт алган дүйнө чемпионаты бир эле учурда 48 курама команда ойной турган биринчи турнир болуп калды.