Аталган иш-чара ТҮРКСОЙ эл аралык уюму тарабынан уюштурулуп, түрк дүйнөсүнүн маданий байланыштарын бекемдөө жана орток баалуулуктарды жайылтуу максатын көздөйт.

Салтанаттуу ачылыш аземи атайын ушул макам үчүн курулган «Бабур багы» амфитеатрында өтүп, ага түрк тилдүү мамлекеттердин маданият министрлери, эл аралык уюмдардын өкүлдөрү, дипломатиялык миссиялардын жетекчилери, ошондой эле түрк дүйнөсүнүн көрүнүктүү маданият жана искусство ишмерлери катышты.

Иш-чаранын жүрүшүндө Өзбекстан Республикасынын Президенти Шавкат Мирзиёевдин катышуучуларга жолдогон куттуктоосу окулуп, Андижан шаарынын түрк цивилизациясынын тарыхындагы, маданиятындагы жана адабиятындагы маанилүү орду белгиленди.

Ачылыш аземинин алкагында кеңири маданий программа сунушталып, түрк элдеринин улуттук көркөм мурасы, чыгармачылык өнөрү жана маданий салттары көрсөтүлдү.

Мындан тышкары, салтанат учурунда буга чейин «Андижан полькасы» бийинин 20 миңден ашуун катышуучу тарабынан аткарылышы менен катталган дүйнөлүк жетишкендик үчүн Гиннесстин рекорддор китебинин расмий сертификатын тапшыруу аземи да өткөрүлдү.