Сүрөт спортчунун социалдык тармактардагы баракчасына жарыяланып, тез эле күйөрмандардын көңүлүн бурду. Бирок титулдуу кыргызстандык спортчу сүйүктүүсүнүн атын ачыктаган жок. Жарыяланган кадрларда түгөйлөр чогуу эс алып жүргөнүн көрүүгө болот. Ал эми мырзанын ким экени белгисиз бойдон калууда.

Жуманазарова өзү жаңы мамилеси тууралуу эч кандай комментарий бере элек, андыктан социалдык тармактын колдонуучулары ар кандай жоромолдорду айта башташты.

Мээрим Жуманазарова Кыргызстандын эң титулдуу спортчуларынын бири болуп саналат. Ал эки Олимпиада медалын багындырган алгачкы кыргызстандык кыз болуп калды. Ал эми 2026-жылы карьерасында экинчи жолу күрөш боюнча Азия чемпионатынын алтын медалын уткан.