Дүйнө жүзүнөн келген 1,5 миллиондон ашык зыяратчы өткөн күнү Сауд Арабиясында ажылык амалдарын аткарууга киришти. Дүйнөдөгү эң чоң жана башкы мечит болгон «аль-Харамдын» короолоруна кондиционер жана абаны муздатуучу системалар орнотулду. Учурда синоптиктер абанын температурасы 47 градуска чейин көтөрүлөрүн айтышууда.
Таалайбек Ибраев энергетика министри кызматынан бошотулду. Бул тууралуу президенттин басма сөз кызматынан билдиришти.
«Air Arabia» авиакомпаниясы Бишкек жана Ош шаарларына үзгүлтүксүз каттамдарды аткарууну кайрадан баштайт. Бул тууралуу «Кыргызстан аэропорттору» ААКтын башкармалыгынын төрагасы Манасбек Самидинов менен Бириккен Араб Эмираттарынын делегациясынын жумушчу жолугушуусунда макулдашылды.
Министрлер кабинетинин төрагасы Адылбек Касымалиев Улуттук коопсуздук мамлекеттик комитетинин жеке курамына ведомствонун төрагасынын милдетин аткаруучу Максат Асаналиевди тааныштырды.
Министрлер кабинети төрагасы Адылбек Касымалиев Башкы прокуратуранын жамаатына башкы прокурордун милдетин убактылуу аткаруучу Малик Бектургановду тааныштырды.
Венесуэладагы жер титирөөнүн кесепетинен кеминде 32 адам каза болуп, 700дөн ашыгы жабыркады. Бул тууралуу өлкөнүн президентинин милдетин аткаруучу Дельси Родригес билдиргендигин чет элдик басылмалар жазып чыкты.
Кыргызстандын Президенти күч түзүмдөрүндөгү кадрдык өзгөрүүлөр тууралуу бир катар жарлыктарга кол койду.
11-12-июнь күндөрү «Ынтымак-2» сейил багында ачык асман алдында музыкалык кече өтөт. Бул тууралуу муниципалитеттен билдиришти.
Туристтик сезондун башталышына байланыштуу Кыргызстандын ички иштер органдары күчөтүлгөн кызмат өтөө тартибине өткөрүлдү. Бул тууралуу ИИМдин басма сөз кызматынан билдиришти.
Кыргыз Республикасынын Маданият, маалымат, спорт жана жаштар саясаты министрлигинин буйругуна ылайык, Сыргакбек Джапаркулов Касымалы Баялинов атындагы Республикалык балдар жана өспүрүмдөр китепканасынын директору болуп дайындалды.
Президент Садыр Жапаров бүгүн, 18-майда Азербайжандын Баку шаарында өтүп жаткан Бүткүл дүйнөлүк шаарлар форумунун (WUF13) 13-сессиясына катышууда. Бул тууралуу мамлекет башчысынын маалымат кызматынан билдиришти.
Демаркациялоо боюнча кезектеги иштердин алкагында Кыргызстан менен Тажикстандын тиешелүү түзүмдөрүнүн өкүлдөрү биргеликте Кыргызстан, Тажикстан жана Өзбекстан мамлекеттик чек аралары кесилишкен чекиттен башталган тилкеге чек ара белгилерин орнотушту.
Министрлер кабинети Бишкек шаарынын кызматкерлеринин айрым категориялары үчүн 2026-жылдын 1-сентябрын дем алыш күнү деп жарыялады. Тиешелүү чечимге министрлер кабинетинин төрагасы Адылбек Касымалиев кол койду.
Бишкек шаарынын мэри Айбек Жунушалиев шаардык автобустарда балдар коляскаларын акысыз ташууну камсыз кылууну тапшырды. Алгач бул жаңылыкты бир айлык мөөнөткө пилоттук долбоор катары ишке киргизүү пландалууда.
Министрлер кабинети кайрадан иштетилип жаткан кагазды жана картонду (макулатура жана калдыктар) Кыргызстандан ташып чыгууга убактылуу тыюу салууну киргизүү жөнүндө токтом кабыл алды.
KOICA (Корея эл аралык кызматташтык агенттиги) долбоорлорунун волонтерлорунун 4-тобу 1-июндан 11-июнга чейин Кыргызстандын Чүй облусунун Сокулук районундагы балдар үчүн «WaSH 2026 лагерин» өткөрдү. Лагерге төрт мектептен жалпысынан 396 бала катышты. Катышуучулар сергек жашоо образын калыптандырууга, ошондой эле коомдук саламаттыкты сактоо жана гигиена тармагында маалымдуулукту жогорулатууга багытталган билим берүү программасын ийгиликтүү аякташты.
Кыргызстандын жалпы билим берүү уюмдарында жаңы 2026/27-окуу жылы 2026-жылдын 15-сентябрында башталып, 2027-жылдын 25-майында аяктайт.
