Баткен облусунда бир катар социалдык объекттерди пайдаланууга берүүгө даярдыктар аяктап жатат. Эгемендүүлүк күнүнө карата Кадамжайда жаңы бала бакча, Кызыл-Кыяда Үй-бүлөлүк дарыгерлер тобунун имараты жана Караван айылында терапия бөлүмүн ачуу пландалууда. Бул тууралуу президенттин аймактагы ыйгарым укуктуу өкүлчүлүгүнөн билдиришти.
Чолпон-Атада Кыргызстандын президенти Садыр Жапаров менен Пакистандын лидери Асиф Али Зардаринин расмий жолугушуусу өттү. Мамлекет башчылары «Рух-Ордо» маданий борборунда жолугушуп, ал жерде ардактуу кароолдун жана этно-жоокерлердин катышуусунда салтанаттуу азем болуп өттү.
Министрлер кабинети «2030-жылга чейин Кыргызстандын чакан жана орто ишкердигин колдоо жана өнүктүрүү программасын бекитүү жөнүндө» токтом кабыл алды.
Кыргызстан электромобилдерди алып кирүү боюнча 2026-жылга берилген квотаны дээрлик түгөттү. Бул тууралуу Мамлекеттик бажы кызматы билдирет.
Ош облусундагы кыргыз-өзбек мамлекеттик чек арасында жайгашкан «Достук» чек ара ветеринардык көзөмөл пунктунда Өзбекстандан ташылып келе жаткан 650 килограмм колбаса азыктарын Кыргызстан аймагына алып кирүүгө уруксат берилген жок. Бул тууралуу Суу ресурстары, айыл чарба жана кайра иштетүү өнөр жайы министрлиги билдирет.
Кыргызстан айлык акылардын дүйнөлүк рейтингинде 132-орунда калды. Тизмеге жалпысынан 200 мамлекет кирген. Рейтинг ар кайсы өлкөлөрдөгү кызматкерлердин орточо таза кирешеси тууралуу маалыматтардын негизинде CEOWORLD журналы тарабынан 2025-жылдын жыйынтыгы боюнча түзүлгөн.
2025-жылы Кыргызстанга түз инвестициялар 27 пайыздан ашык өсүп, 1,3 миллиард доллардан ашты. Бул тууралуу Бишкекте өткөн ШКУнун бизнес-форумунда Инвестициялар боюнча улуттук агенттиктин жетекчиси Равшан Сабиров билдирди.
Бишкекте Шанхай кызматташтык уюмунун «Аялдардын лидерлиги» темасындагы Аялдар форуму өз ишин баштады. Иш-чара Кыргыз Республикасынын 2026-жылдагы ШКУдагы төрагалыгынын алкагында 26—27-июнь күндөрү өтүүдө.
Жогорку Кеңеш 8-чакырылыштын биринчи сессиясын аяктап, депутаттар жайкы эс алууга тарашты. Жыл башынан бери парламент тарабынан жалпысынан 145 мыйзам долбоору кабыл алынган.
Венесуэлада күчү 7,1 баллга жеткен катуу жер титирөө болду. Бийлик өкүлдөрү Пуэрто-Рико жана Виргин аралдары үчүн цунами коркунучун жарыялашты.
2026-жылдын башынан бери Кыргызстанда 240тан ашык сел агымы катталды. Бул тууралуу Кыргызстандын Өзгөчө кырдаалдар министринин биринчи орун басары Акылбек Мазарипов билдирди.
Ысык-Көл облусундагы Чолпон-Ата шаарында Кыргызстан менен Өзбекстандын ортосундагы Өкмөттөр аралык эки тараптуу кызматташуу боюнча биргелешкен комиссиясынын 12-жыйыны тар жана кеңейтилген курамда болуп өттү. Анын жыйынтыгында тараптар 2030-жылга чейин өз ара товар жүгүртүүнү 2 миллиард долларга чейин көбөйтүү пландарын ырасташты жана кызматташуу боюнча макулдашуулардын жаңы пакетине кол коюшту. Бул тууралуу Министрлер кабинетинин басма сөз кызматы билдирди.
2026-жылдын 18-июнь күнү Ош областынын Ноокат районунда жайгашкан жер семиркич чыгаруучу завод эксплуатацияга берилгенге чейинки соңку сыноодон өткөрүлдү. Ошентип гумин негизиндеги аралаш жер семирткичтерди чыгаруу боюнча кубаттуулугу жылына 100 миң тоннага чейин жете турган завод расмий пайдаланууга берилгенге чейин чийки заттардан продукция өндүрүп, алгачкы продукциясын даярдап көрдү.
Президент Садыр Жапаров бүгүн, 23-июнда иш сапары менен Нарын облусуна барат. Бул тууралуу президенттин басма сөз катчысы Аскат Алагөзов билдирди.
Кыргызстандын ирригациялык тутумун модернизациялоого донорлор 172 миллион доллар бөлөрүн «The Times of Central Asia» басылмасы билдирди.
Чолпон-Ата шаарында өткөн Чыңгыз Айтматов атындагы Ысык-Көл эл аралык форумунун жыйынтыгында катышуучулар тарабынан форумдун резолюциясы кабыл алынды. Бул тууралуу Маданият, маалымат жана жаштар саясаты министрлиги билдирди.
Президент Садыр Жапаров Чолпон-Ата шаарында Түркиянын Улуу Улуттук Жыйынынын депутаты, Адилеттүүлүк жана өнүгүү партиясынын төрагасынын орун басары, Түрк мамлекеттер менен байланыштар боюнча башкармалыгынын башчысы Күршад Зорлуну кабыл алды.
Кыргызстандын президенти Садыр Жапаров бүгүн, 18-июнда Албаниянын президенти Байрам Бегай менен болгон сүйлөшүүлөрү аяктады. Бул Албания президентинин Кыргыз Республикасына болгон алгачкы расмий сапары болуп саналат. Тараптар эки өлкө ортосундагы кызматташтыкты өнүктүрүү маселелерин талкуулашты.
Өзбекстанга иш сапары менен келген министрлер кабинетинин төрагасы Адылбек Касымалиев Өзбекстандын президенти Шавкат Мирзиёев менен жолукту.